Osa e Coello son dous singulares amigos. Aparentemente non teñen nada en común; con todo, ambos descubrirán que cando están xuntos, a vida resulta moito mellor. Coello acaba de espertarse tras pasar o inverno na cova de Osa. Cando regresa ao seu tobo atopa a Tartaruga e, aínda que moi lentamente, consegue sacala de alí. Pero ese non é o único inconveniente que atopa, tamén a primavera levou ata o bosque a unha nova veciña: Paxaro Carpinteiro. A súa frenética actividade e o ruído que provoca fai que Coello perda os nervios e que recorra a Osa para facer que Paxaro Carpinteiro desista no seu picoteo constante. Todo parece irritar a Coello, e así llo fai saber Osa. Isto provocará que Coello reflexione sobre a súa actitude, cambie o seu modo de exporse ao que lle sucede e aprenda a gozar de relacionarse cos demais animais do bosque.

Título orixinal: Pest in the nest