Sarah coñece a Eddie, namórase perdidamente e pasan xuntos sete días marabillosos. Ela está convencida de que o que hai entre ambos é amor de verdade, nunca estivo tan segura de algo. Así que cando Eddie lle di que debe marcharse uns días e promete chamala desde o aeroporto, Sarah non dubida de que o fará. Pero Eddie non chama ese día. Nin o seguinte. Nin o outro. Os amigos aconséllanlle que o esqueza como el fixo e que siga adiante. Con todo, está convencida de que tivo que pasarlle algo que explique a súa desaparición. E cando decide buscalo, abre sen sabelo unha porta pechada desde hai moito tempo.