Zuza é un neno como tantos outros. Encántalle quedar coa súa cuadrilla e xogar ao fútbol, aínda que é bastante malo. Dico, o seu mellor amigo, tamén adora xogar ao fútbol e é boísimo. Xuntos deciden montar un equipo para participar no campionato da súa cidade. Son inseparables.
Xogadas memorables, tiros pola escuadra, abrazos de gol e moitas outras cousas que forman parte do universo máxico do fútbol. A vida de Zuza, Dico e os seus amigos quedará marcada polos momentos vividos partido a partido. Un campionato que nunca esquecerán. E no que aprenderán que o fundamental non é competir, senón compartir. E gozar.
Esta é a aventura dun pequeno equipo de fútbol. Pero tamén é unha historia sobre a amizade, a familia e o primeiro amor. Porque non só é importante o que ti te propós, senón de quen te rodeas para conseguilo.

Tít. orix.: Uma história de futebol