Un xefe de policía demasiado íntegro; un magnate disposto a todo con tal de eliminalo; unha cidade de canellóns húmidos e escuros, cercada polas bandas criminais e o tráfico de estupefacientes. Este é o novo escenario no que Jo Nesbø reinventa a Macbeth como o ambicioso capitán da Garda Real, a lady Macbeth como unha persuasiva e madura dominatrix, e ás tres bruxas como «cociñeiras» dunha perigosa droga. Pero o fráxil equilibrio no que se sustenta a cidade ten os días contados: Hekate, o capo dos narcos, cre que a policía foi un obstáculo para os seus negocios durante demasiado tempo, e Macbeth, cun turbio pasado de adiccións e violencia, é o peón perfecto para destruílos desde dentro.
Unha historia de ambicións sen freo que cobra vida nas mans de Nesbø, un escritor capaz de converter calquera relato nunha angustiosa viaxe a través das facetas máis escuras da natureza humana. E no centro, un home que cruzará a liña, que esquecerá quen era, e que sabe que non conseguirá o que quere a non ser que mate por iso.

Tit. orix.: Macbeth