Antes de que fose elegante que as amas de casa intercambiasen historias sobre a súa tristeza como intercambiaban receitas para o recheo do pavo, antes de que a súa vida puidese considerarse literaria e de que unha muller desesperada inspirase interese en lugar de hartazgo, existiu Penelope Mortimer. A protagonista desta enxeñosa comedia negra, unha roman à clef intelectualmente impecable, a señora Armitage, pasou por catro matrimonios e é nai dun bo número de fillos. Pero quere ter máis xa que, na súa opinión, traer fillos ao mundo é algo que se lle dá ben. A maternidade é o que fai dela un ser humano importante, unha idea que non encaixa nos plans do seu actual marido, Jake Armitage, un guionista de éxito que lle fai crer que a única maneira de salvar o seu matrimonio é impedindo o nacemento dun novo bebé. Iníciase así unha loita brutal na que a señora Armitage é á vez o campo de batalla, a vítima e a executora.

Tradución de : The pumpkin eater