«Repudiados» reúne nove contos, escritos entre 1939 e 1948 e inéditos ata o de agora en castelán, co inconfundible selo do «enfant terrible» das letras xaponesas do século XX. Neles lemos a aséptica descrición da viaxe que emprende unha parella ao lugar onde planean poñer fin á súa miserable vida («Repudiados»); os infrutuosos esforzos de Dazai para gañarse o respecto dos seus paisanos e deixar de ser fonte de preocupacións e desgustos para a súa familia («En memoria de Zenzō»); os devastadores efectos da guerra no día a día e a mentalidade dos xaponeses («Deusa»); ou a angustia e incapacidade de Dazai ante a súa condición de marido e pai de familia («Cereixas»).