Da árbore á cadeira. O tempo artesán / Carlos Seoane González -- Mirar un bosque. Unha cuestión de actitude / Alfonso Bar Blanco -- Ecoloxía da carballeira / Mª Mercedes Casal Jiménez -- Eiquí sempre foi bosque / Javier Guitián Rivera -- Dinámica do bosques do NW ibérico / Pablo Ramil-Rego -- Máis alá das árbores / Xavier Simón Fernández -- A natureza da madeira. Tocar e sentir a madeira / Juhani Pallasmaa -- O doméstico na apropiación do espazo humanizado (ou) o doméstico como significación material simbólica / Xosé Carlos Sierra Rodríguez -- O moble na construción de doméstico / Silvia Blanco Agüeira -- O asento moderno desde o contexto galego, do S. XIX ao S. XX. Un achegamento á cultura do asento en Galicia

Da árbore á cadeira propón unha viaxe emocional da materia ao produto, da madeira ao mobiliario doméstico. Comisariada polo arquitecto Carlos Seone, a mostra dirixirá a ollada dos visitantes cara á riqueza ambiental dos bosques, a tradición en Galicia dos oficios vinculados ás artes da madeira e ao deseño contemporáneo do moble.
Este percorrido comeza nos propios bosques galegos, baixo a ollada de fotógrafos como Manuel Vilariño, Vari Caramés, Xosé Caruncho, Juan de la Sota ou Juan Rodríguez; grandes artistas plásticos como Castelao, Seoane, Maside e figuras contemporáneas como Pamen Pereira ou Jorge Perianes. Nunha segunda etapa deste percorrido, a exposición ofrece unha viaxe polo deseño desde os pioneiros (Isaac Díaz Pardo, Alejandro e Jesús de la Sota e Xosé Bar Bóo) ate os contemporáneos, entre os que se atopan moitos dos grandes arquitectos e deseñadores galegos, como Manuel Gallego Jorreto, Irisarri e Piñera, Noguerol e Díaz, Iago Seara, Carlos Quintás, Creus e Carrasco, Tomás Alonso, Elías Cueto, Lucía Buceta ou Iñaki Leite.