Andréi Tarkovski é un dos grandes cineastas e teóricos de todos os tempos, e aínda hoxe é un dos directores máis influentes do cinema contemporáneo. Neste libro, escrito cun enfoque directo e apaixonado, o cineasta rememora as súas rodaxes, lembra éxitos e fracasos, desvela secretos, soños e obsesións, defende con afán a visión do cinema que construíu ao longo de toda unha vida e critica con fiereza tanto a censura do estado soviético como aqueloutra, máis sutil, da sociedade de consumo. Tarkovski fala con rabia, pero tamén con esperanza, e diríxese tanto aos amantes do cinema en xeral como a aqueles que queren saber como se fai, desde dentro e sobre o terreo, unha película, pero unha película entendida como unha obra de arte.