Carta mecanografiada e sinatura ms. autógrafa

Carta enviada por Isaac Díaz Pardo a Luís Seoane en resposta ás súas do 19 e 25 de abril na que lle confirma a recepción do debuxo da pileta de Sargadelos, que considera unha marabilla, da que lle manda unha serocopia para que se faga unha idea de cómo a verá o transeúnte e considere facer algo semellante nas paredes.

Recibiu, asimismo, copia da carta que lle mandou a Fernández del Riego e os debuxos para a exposición de Barcelona, que ambos consideran extraordinarios. Confírmalle que Paco vai a seguir todas as súas suxerencias e que vai a imprimir o catálogo inmediatamente.

Infórmao de que na organización están a traballar Fernández del Riego e Ramón Piñeiro e de que Xosé e Alonso Montero están a colaborar e dalle conta do enorme esforzo que implicou este tema.

Critica duramente ao Gobernador, que acaba de visitar Sargadelos, e que continúa coa idea de instalar un fogar de altos mandos da Falanxe na casa da administración.

Avísao de que se acaba de enterar do falecemento da irmá de Álvaro Gil e de que segue na busca dunha boa fotografía.

Móstrase sorprendido e agradecido pola súa figuración na "Voz de Galicia" e comenta que lle encantou o debuxo.