Atenas, século XVI. Nikolaos Popoulos naceu dotado cunha capacidade de fantasía máis aló dos límites da natureza. A súa verdadeira vocación é ser escritor. Pero, como perseguido por unha maldición, ve unha e outra vez truncados os seus plans, mentres é arrastrado a unha épica viaxe ás orixes da fábula e a ficción. Coñecerá a lendarios corsarios e aos asombrosos piratas uscoques; tropezarase coa Condesa Sanguenta e co gólem de Praga, inspiradores dos mitos de Drácula e do monstro de Frankenstein, e trabará unha íntima amizade con Miguel de Cervantes, antes de que se converta no xenio máis famoso das letras universais. Pero logrará ao fin escribir unha obra digna da súa imaxinación ilimitada?