Trátase dun clásico da literatura infantil galega, con cantos e poemas evocadores da natureza e do medio rural, que fala da amizade, dos xogos, dos costumes e da emocións da infancia. A sinxeleza dos versos, a cercanía dos personaxes e a temática tradicional son as principais cualidades desta obra conxunta: Anisia Miranda xa publicara algunhas destas composicións na revista cubana Zunzún, mentres que as de Xosé Neira Vilas viran a luz fai 40 anos no selo madrileño Akal.