Cando se publicou por primeira vez, o "Lazarillo" non se presentaba como unha obra de imaxinación, senón coma se fose o relato auténtico dun real Lázaro de Tormes (por iso non podía levar outra firma que o nome do protagonista). Con tal mistificación creaba un tipo de ficción ata entón descoñecida e constituíase en principio absoluto da novela moderna. Ademais de estudar ese aspecto fundamental histórica e literariamente, a "nova edición" de Francisco Rico reexamina os grandes problemas do "Lazarillo" á luz de novos materiais e investigacións; ofrece o texto máis fiel á vontade do autor; e, a través dunha anotación exhaustiva, sitúa a novela no contexto da vida e a literatura da época, resolvendo unha por unha todas as dúbidas que a lectura pode suscitar.