"O mundo é unha merda". Con esta lapidaria frase comeza un escrito que non deixará indiferente a ninguén. Conta verdades terribles que o lector debe coñecer: torturas psíquicas; traxedias que foron aproveitadas para o enriquecemento dalgúns; manobras contra os máis pobres e os sin teito; guerras que teñen como finalidade o dominio do petróleo; conflitos armados para facerse co control da auga; danos medioambientais provocados dun xeito intencionado para acadar axiña un rápido proveito económico; grupos de poder que controlan a sociedade dende as sombras; corporacións privadas que usan o diñeiro dos cidadáns a través de impostos ... En definitiva, amósanos que alá onde podería existir felicidade, xustiza e igualdade, o que finalmente atopamos é un universo de mentiras e enganos con selo oficial.