DVD 1. Mi hijo sordo de 0 a 6 años. -- DVD 2. Mi hijo sordo de 6 a 12 años. -- DVD 3. Mi hijo sordo lee y escribe. -- DVD 4. Mi hijo sordo adolescente. -- DVD 5. Mi hijo sordo y su futuro. -- DVD 6. Mi hijo sordo y la familia. -- DVD 7. Mi hijo sordo y las familias recién llegadas. -- DVD 8. Mi hijo sordo con otras discapacidades

DVD 1. Nestes primeiros anos empeza unha viaxe moi especial: o de ver crecer aos vosos fillos e fillas. Recibir a noticia da perda auditiva fíxovos tomar moitas decisións e buscar información sobre audífonos, implantes cocleares, lingua de signos, etc. Ademais de pasar por médicos, logopedas e moitos profesionais que non coñeciades. Neste DVD ides coñecer a familias, nenos e nenas, profesionais... que queren compartir as súas experiencias e contarvos que hai moito que gozar.

DVD 2. Atrás quedaron os biberóns, as perrenchas e os primeiros momentos tras saber o diagnóstico da súa xordeira para dar paso á etapa máis estable e educativa: a que vai dos 6 aos 12 anos. Empezarán as súas ganas de aprender, o cole, os deberes, os seus amigos da alma, seus profes, as súas ganas de contarvos todo… neste DVD coñeceredes a profesionais e a outras familias con fillas e fillos xordos nestas idades que vos contarán como están a vivir esta etapa.

DVD 3. Profesionais e familias guiarannos nesta viaxe compartindo ideas e experiencias para que ler e escribir sexa algo divertido. Será un camiño longo pero cuns pais e nais desexando ensinarlles a gozar dos libros seguro que será moito máis fácil.

DVD 4. Chegou a adolescencia! Mozos xordos, pais, nais e profesionais falaranvos da amizade, a comunicación, o hábito do estudo, os móbiles, Internet, a sexualidade… nestas idades.

DVD 5. Neste DVD imos coñecer a persoas xordas que quixeron compartir connosco as súas experiencias no mundo laboral, no académico.
As familias atoparedes diversas persoas que, como a vosa filla ou o voso fillo xordo, tiveron uns soños, loitaron por eles e grazas ao seu esforzo e ao da súa familia conseguírono.

DVD 6. Neste DVD descubriredes que todos sodes unha peza crave para acompañar ao neno ou á nena xorda no seu desenvolvemento, porque a familia é o mellor lugar para aprender, para gozar, para sentirse a gusto, para compartir e para vivir feliz.

DVD 7. Empezar unha nova vida noutro país é unha aventura con momentos difíciles e tamén moitos soños que aos poucos se van cumprindo. A viaxe empeza nos vosos países, onde tedes que tomar esta decisión tan importante e, ás veces, tan difícil. Deixades moitas cousas e moitas persoas atrás pero chegades con esperanza e moitas ilusións. Como as das familias con fillas e fillos xordos que ides coñecer neste DVD, que aos poucos fixeron de España o seu fogar.
A todas as familias recentemente chegadas... Benvidas!

DVD 8. Persoas sordociegas, con esquizofrenia, con atraso mental… Todas e todos somos irrepetibles e cunhas potencialidades e limitacións que nos fan únicos. Como únicas son as necesidades de cada unha das persoas que atoparedes neste DVD. Presentarémosvos a familias, novas e profesionais que compartirán convosco e vós a súa experiencia, os seus soños, as súas ilusións e como foi o seu camiño.