Comentado por Alejandro Rogelio A.

Unha sorpresa Pedro Feijoo, mira que hai xente escribindo por aí...boísimos escritores perdidos polo mundillo da literatura que, despois de teren publicado as súas obras, morren fagocitados por unha mantis relixiosa invisíbel que non deixa máis que un rastro bibliográfico de cadáveres para quen queira seguilo, a edición da literatura galega é unha vergoña, unha indecencia para a nosa cultura, as argalladas das editoriais cos seus premios e as súas promocións están a causar un dano brutal, todo está movido por unha loxia xudeo-masónica que rexe o mercado do libro, eles deciden qué e a quén temos que ler e por riba a uns prezos inxustificablemente desorbitados, non ten boa solución agás ir deixando que a voz dos lectores vaia refrendando ou desdicindo a calidade dos autores. Teño un amigo que cada vez que me ven ver tráeme como agasallo algunha peza da nova literatura galega, nesta ocasión chegou coa bibliografía completa de Pedro Feijoo adicada e asinada para min polo autor, cóntame que foi á presentación e alí apareceu un tipo que se puxo a criticar afeito o libriño, unha posta en escea preparada polo escritor da que aínda hoxe estanse a rir todos os que foron á coña do happening. O Pedro debe levar un xen cómico no seu ADN, xa como músico de "Lamatumbá" víaselle ese puntiño de hilaridade, está claro que o tío é un cachondo. Comecei por lerlle "A memoria da choiva" unha negra estrictamente galega baseada na obra de Rosalía, na que fai un percorrido pola súa biografía dende a perspectiva dunha profesora de filoloxía e un xornalista vido a menos que colaboran coa policía na investigación duns asasinatos relacionados coa obra da poetisa. Como me escribeu na adicatoria "unha versión "nórdica" pero do país". Libro de lectura doada e entretida con un sentido do humor tan nóso que che fai sentir cómplice e manter un rictus de sorriso nos beizos dende a primeira páxina, moi recomendable. Xa vos falarei das outras.