A vida transcorre tranquila na dourada cidade de Elawei, no cumio da Montaña Sagrada. Bran é o lexítimo herdeiro de liñaxe dos Grandes Forxadores, que protexen e gobernan Elawei dende tempos inmemoriais, tras apartar co seu nacemento a Nash, que languidece nas minas. Pero o pacto dos Mestres gremiais e do terríbel Lord Daru impediranlle alcanzar o seu destino e empurrarano a unha intriga chea de traizóns, que poñerá en perigo o futuro de todo o seu mundo.