Bibliografía

Inclúe índice onomástico

O 28 de xaneiro de 1742, trinta homes desnutridos, apenas con vida pero cunha fascinante historia que contar, arribaron ás costas do Brasil, onde foron recibidos como heroes. Eran sobreviventes do HMS Wager, un barco da Mariña Real británica que, na guerra imperial contra España, acabou naufragando nunha illa deserta preto da Patagonia.
Seis meses máis tarde, outro barco en condicións aínda peores chegou ás costas de Chile. Nel só había tres náufragos, e contaban un relato moi distinto. Ao parecer, os mariñeiros do Brasil non eran heroes, senón amotinados. Ante as múltiples acusacións de traizón e asasinato por parte de ambas as faccións, convocouse un consello de guerra en terras británicas. O xuízo foi un dos máis soados da época e tivo unha inusitada repercusión nos debates morais do inicio da Ilustración.
Os náufragos do Wager é un true crime e unha absorbente historia de supervivencia, froito dunha exhaustiva investigación xornalística pero que se le como unha novela de Conrad. Grann sobrecóllenos coa súa capacidade para contar unha historia que tivo lugar hai máis de douscentos anos: recupera o eterno debate entre a maldade e a bondade na natureza humana e ponnos sobre a mesa do noso convulso presente.

Tít. orix.: The Wager